बारामती पोलिसांनी सिनेस्टाईल पाठलाग करत अखेर चोरीला गेलेला ट्रक पकडला

बारामती : बारामतीतील Baramati एमआयडीत MIDC चोरी झालेला ट्रक जेजुरी jejuri हद्दीत पोलीसांनी फिल्मी स्टाईलने पकडला आहे. काल रात्री एमआयडीमधून ट्रक चोरीला गेला होता. मात्र ट्रकला जीपीआरएस लावलेला होता. त्याचा पाठलाग बारामती पोलिसांनी हुशारीने केला. आणि चोराला पकडले आहे. 

        परंतु हा चोर, चोरी करून निघालेला ट्रक, गाडी कुणाला ओव्हर टेक करू देत नव्हता. मोरगावमध्ये पोलिसानी बॅरिगेट लावले ते सुद्धा तोडून तो ट्रक पुढे गेला. सोबतच एका पिकअपचा चुराडा सुद्धा या ट्रकमुळे झाला. बारामती पोलिसांनी जेजुरी पोलिसांनी ही माहिती सांगितली तरीही बारामती पोलीस ट्रकचा पाठलाग करीत होते.

बारामती पोलिसांनी संबंधित ट्रक चालकाला अनेकदा थांबण्यास सांगूनही तो ट्रकचालक दाद देत नव्हता. त्याने ट्रक भरधाव पळवत रस्त्यात येणाऱ्या अनेक दुकानांचा आणि वाहनांचा चुराडा केला आहे. यानंतर बारामती पोलिसांनी या घटनेची माहिती जेजुरी पोलिसांना दिली. यानंतर जेजुरी पोलिसांनी मोरगाव रस्त्यावर मधोमध एक अवजड वाहन उभं केलं. पण यावेळी आरोपी ट्रक चालकाने एका सलून दुकानाला आणि हॉटेलला धडक मारून ट्रक पुण्याच्या दिशेनं नेला.

जेजुरीच्या पुढे गेल्यानंतर हायवेला ट्रकचालकाने आणखी स्पीड वाढवला. तसेच पोलिसांनी अनेकदा ट्रक थांबवण्याचं आवाहन केल्यानंतरही त्यानं ट्रक थांबवला नाही. यानंतर बारामती पोलिसांनी जेजुरी पोलिसांच्या मदतीनं जेजुरी सासवड रस्त्यावरील एका अरुंद पुलाच्या ठिकाणी दोन अवजड वाहन उभी करून संपूर्ण रस्ता बंद पाडला.

यावेळी हायवेवरील दोन आडवी वाहनं पाहताच ड्रायव्हरनं ट्रकचा स्पीड कमी केला आणि क्लिनर साईडनं पळून जाण्याचा प्रयत्न केला. तेव्हा पाठीमागून येणाऱ्या बारामती पोलिसांनी ट्रक चालकाला मोठ्या शिताफीनं पकडलं आहे. या थरार नाट्यात सुदैवाने कोणतीही जीवितहानी झाली नाही. पण जेजुरीतील एका सलून दुकासह एका हॉटेलचं बरंच नुकसान झालं आहे. सोबतचं एका पिक अप वाहनाचा चुराडा झाला आहे. बाबा नाझरकर असं आरोपीचं नाव आहे. बारामती पोलिसांनी त्याला आपल्या ताब्यात घेतलं आहे. या घटनेचा पुढील तपास सुरु आहे.